മതിലകം
ഗ്രാമ പഞ്ചായത്ത്

മതിലകം ഗ്രാമപഞ്ചായത്തിലെ പൊക്ലായിൽ സ്വകാര്യ വ്യക്തിയുടെ സ്ഥലത്ത് ടെൻറ് കെട്ടി താമസിച്ചിരുന്ന 5 നാടോടി കുടുംബങ്ങളെ ലൈഫ് ഭവന പദ്ധതിയിലും അതിദാരിദ്ര ലിസ്റ്റിലും ഉൾപ്പെടുത്തി ഇവർക്ക് വീട് വെക്കുന്നതിന് അനുയോജ്യമായ സ്ഥലം കണ്ടെത്തുന്നതിന് ശ്രമം ആരംഭിക്കുകയും തുടർന്ന് മാള ഗ്രാമപഞ്ചായത്തിൽ ഇവർക്ക് വീട് വെക്കുന്നതിന് അനുയോജ്യമായ സ്ഥലം പീപ്പിൾ ഫൗണ്ടേഷൻ എന്ന സന്നദ്ധ സംഘടന തരാമെന്നേറ്റെടുക്കുകയും ഓരോ കുടുംബത്തിനും 4 സെന്റ് ഭൂമി വീതം രജിസ്റ്റർ ചെയ്ത് നൽകുകയും ചെയ്തു. 

ഇതിനായി ഓരോ കുടുംബത്തിനും 2 ലക്ഷം രൂപ വീതം ആകെ 10 ലക്ഷം രൂപ ഗ്രാമപഞ്ചായത്ത് പീപ്പിൾസ് ഫൗണ്ടേഷന് കൈമാറിയിട്ടുണ്ട്. ഭൂമി രജിസ്ട്രേഷൻ നടപടികൾ പൂർത്തിയായതോടെ ഈ കുടുംബങ്ങൾക്ക് വീട് നിർമ്മിച്ചു നൽകുന്നതിനുള്ള തുടർ നടപടികളിലേക്ക് പദ്ധതി കടക്കുകയാണ്.